Акции на солидарност со Рожава во Србија, БиХ и Македонија

Крвавиот империјалистички марш на султанот Реџеп Ердоган на Рожава не помина без одговор од базата и левичарските активисти. Демонстрации се одвиваа низ цела Европа, изразувајќи солидарност со херојската борба на курдските партизани и бараа да се стави крај на ѕверствата извршени од турската армија. Ни југословенските левичари не молчеа на ваквото злосторство, па организираа акции за солидарност во Белград, Бања Лука, Скопје и Битола.

Првиот протест се одржа во Белград на 12 октомври, пред турската амбасада. На протестот присуствуваа околу 30 лица, вклучително активисти и активисти на Црвените, како и Здружената акција„Кров над глава“, „Маркс21“ и неколку други левичарски организации и поединци. Иако на протестот беше присутна Жандармеријата, при што некои носеа автоматско оружје, како и припадници на полицијата, протестот помина доста мирно. Собраните не одговорија на провокациите на претставниците на турската амбасада и викаа пароли како „Долу турскиот империјализам!“, „Бижи, Бижи Рожава!“, „ НАТО, марш од Рожава!“

Една недела подоцна, во организација на „Црвените“ и други левичарски активисти, митинзите се одржаа во Бања Лука, Скопје и Битола. Митингот во Бања Лука се одржа на плоштадот Краина, и мина доста мирно, не присуствуваа многумина, но неколку лица пријдоа, зедоа леток и разговараа со нашите активисти. Сепак, полицијата се обиде да ги заплаши нашите активисти убедувајќи ги дека митингот не бил правилно пријавен и дека во пријавата немало одредени податоци, кои истите не беа побарани во полициската станица. Јасно е дека станува збор за обичен обид за заплашување од страна на полицијата, која не ја пропушта можноста да измислува прописи и да го искривува законот во своја корист, за да го отежни организирање на левицата.

Митингот во Битола се одржа пред турскиот конзулат; тој беше потполно мирен, нашите другари поделија околу 20 летоци и разговараа со минувачите. Од друга страна, митингот што се одржа во Скопје, пред турската амбасадата, ги зголеми тензиите, а претставниците на амбасадата излегоа и вербално се судрија со собраните со цел да ги растурат, заедно со некои локални минувачи кои го фаворизираа Ердоган. Присуството на курдски симболи се чини дека ги вознемири, ама не беа во можност да ги отстранат или пак заплашат нашите другари.

Борбата водена од страна на ЈПГ и ЈПЈ, иако некому може да делува како конфликт што се одвива далеку и не засега луѓето од поранешна Југославија, е исклучително важна за целото човештво и цивилизацискиот напредок на сите. Оваа борба не е борба само за национално ослободување, ниту е борба само против исламистичките орди на Ердоган. Тоа е борба за подобро и поправедно општество, борба против капиталистичкиот систем што нѐ угнетува сите нас, слично на борбата што ја водеа југословенските партизани. Рожава е светилник не само во темнината на Блискиот исток, туку во темнината на целиот капиталистички систем и како таква претставува надеж на сите нас за подобар свет ослободен од угнетување. Должност на секој работен човек е да ја поддржува револуцијата во Рожава, бидејќи тоа е борба за сите нас.

Долу турски империјализам!

Да живее слободна Рожава!