Да се врати пораката на Тито за солидарност по скопскиот земјотрес во 63та

Скопскиот катастрофален земјотрес донесе смрт, повредени, тага, болка, но при тоа скопјани не остана напуштени и им помогнаа братските народи ширум светот. Улогата на Југословенската народна армија беше клучна и се покажа колку е важен системот на народна одбрана и самозаштита. Тогашната власт исто се покажа спремна да се соочи со големата трагедија и да го поведе Скопје напред кон иднината. Имаше и бариери, но ајде нека се осмели некој да замисли како, за пример, брзо се изградија и поделија куќи во Тафталиџе и Синѓелиќ, а при тоа директорите не станаа преку ноќ богати за наредните 100 генерации. Сега, во услови на модернизација и дигитализација во Скопје се градат неприкладни збиени дехуманизирани градби со квалитет во кој се сомневаме, а цени кои се превисоки. Во ера на нови материјали, се плашиме да не ни изгорат фасадите.
Споменот на земјотресот не смее да избледе кај новите генерации, а гентрификацијата засилена со озлогласениот проект Скопје 2014, трае и ќе трае се додека владеат принципите на слободниот пазар т.е. принципот на парите и профитите. Затоа наша должност е да ја чуваме меморијата.
Да не заборавиме дека Борко Лазески имаше мурал во Старата железничка како и во изгорената пошта, од револуционерната борба на народот. Се приклучуваме на кампањата на фејсбук ДА СЕ ВРАТИ ПОРАКАТА НА ТИТО ЗА СОЛИДАРНОСТ ПО СКОПСКИОТ ЗЕМЈОТРЕС ВО 63ТА

„Скопје доживеа невидена катастрофа, но Скопје повторно ќе го изградиме. Со помошта на целата наша заедница, тоа ќе стане гордост и симбол на братството и единството, на југословенската и светската солидарност“