Втор конгрес на Револуционерниот комунистички сојуз

Членовите на Револуционерниот комунистички сојуз се состанаа во Загреб на 3 и 4 мај за овогодишниот конгрес. Присуствуваа делегати од Словенија, Хрватска, Србија, Босна и Херцеговина и Македонија како членови на југословенската секција на РКИ, а беа присутни и гости од Австрија, Бугарија, Италија, Британија како и од Косово.

Одржан во екот на револуционерната криза во Србија, конгресот пред сѐ имаше задача да пронајде лекција за револуционерите и да нѐ насочи за турбулентните времиња коишто доаѓаат.

Нулта година

“Беше блаженство да се биде жив во таа зора, ама да се биде млад – тоа беше самиот рај”.

Овие зборови на Вилијам Вордсворт за Големата француска револуција ја опишуваат енергијата која се ослободува со појавувањето на народните маси на сцената на историјата. На Балканот, последните три децении стоеше издигната огромната кула на реакцијата, национализмот и апатијата. Видлива од секој агол на регионот, стоеше високо, така што секој со идеи за подобра иднина беше натеран да помисли два пати. Сега долж нејзината структура се издолжува пукнатина, потребен е уште сериозен удар да отиде во заборав. Српските студенти и работници го издигнаа својот светилник што го осветлува патот напред за целиот регион – патот кон револуција.

Срушената натстрешница и сала, пожарите во дискотеките и здравствените установи, одрони и еколошки катастрофи; станува јасно дека капиталистичкиот систем е причина за неразвиеноста, корупцијата и пропаѓањето на инфраструктурата на целиот Балкан. Вистината стои разголена под сонцето.

Оваа 2025 година претставува почеток на нова ера на Балканот. Таму каде што владееше тишина, сега се слушаат стихови на борбата. Милиони се будат за политичка борба и се бара алтернатива на капитализмот.

Патот што ни претстои

 Целото искуство од Србија досега покажа дека народните маси се спремни да стапат во борба за подобро општество. Но исто така ја покажа потребата за јасни идеи и план според кои таа промена треба да се спроведе; потреба за организирање на партија на самата работничка класа, огромното мнозинство на општеството. За нас, како и за илјадниците низ Балканот, ова е главната лекција од искуството од Србија.

Така, една од главните теми на Конгресот беше токму како да се изгради таква партија. Потребни ни се револуционери кои разбираат како општеството функционира, како се поврзани неговите елементи и како да го променат. Затоа разговаравме за перспективите за нашиот регион и за целиот свет. Ја анализиравме моменталната состојба на општеството, во кој правец се движи и зошто. Сето тоа за да им понудиме на луѓето одговори за кризата во која се наоѓаат и да им понудиме решенија. Така на база на нашите анализи, и покрај привидната апатија, уште на претходниот конгрес предвидовме дека вакви општествени експлозии ќе бидат неизбежни во иднина.

Испреплетените судбини на работничките класи од сите земји на бившата Југославија, кои произлегуваат од нашата мината заедничка борба против капитализмот, како и сеприсутните културо-економски поврзаности, повторно ја става наред потребата од партија би не обединила во борба. Бројните протести за поддршка за српските студенти тоа го докажаа. Проблемите во различните делови од Балканот се исти и решавањето на истите во една земја подразбира нивно решавање во сите наши земји.

Патот пред нас е долг. Студентите и работниците ги жртвуваа своите академски години и своите плати. Ако имаме желба да станеме партија што политички ќе ги изрази аспирациите на народните маси, мораме во процесот на нејзино градење да бидеме спремни да се жртвуваме колку и самите студенти и работници. Од таа причина собравме приближно 10 000 евра, високо надминувајќи ја финансиската цел на конгресот.

Овогодишниот конгрес на РКС беше само еден чекор – архитект за изградба на идната масовна работничка партија, и трансформација на општеството. Ако сакаш да бидеш дел од изградбата на партија на работничката класа придружи ни се.