Школа на комунизмот во срцето на Југославија

Првата југословенска школа на комунизмот се одржа во Загреб на 26 и 27 октомври. Ова беше исклучително важен настан од гледна точка на работничкиот интернационализам на Балканот. Растечките сили на југословенскиот комунизам се најдоа на едно место со цел дополнително да го изградат својот кадар, да се едуцираат и да се подготват за понатамошно ширење на идеите на марксизмот меѓу работниците и младите.

Целиот настан се одвиваше во услови на полициско кодошење, медиумско подбуцнување и десничарски закани, што не ги поколеба комунистите во организацијата на настанот и одличната посета. Дополнително, самиот настан дополнително ја подигна нашата организација и ставовите кај младите кои доаѓаат кај нас затоа што бараат решенија среде светската капиталистичка криза и деструкција.

Серијата предавања на важни теми како што се револуционерните перспективи во светот денес, анализата на социјалистичка Југославија, пролетерскиот бонапартизам, осврти на Октомвриската револуција, односот меѓу марксизмот и религијата, империјализмот, марксизмот и постмодернизмот беа проследени со жива демократска дискусија. Исто така, нашите книги и публикации привлекоа голем интерес кај сите посетители. Како дел од Револуционерната комунистичка интернационала, Револуционерниот комунистички сојуз го напушта ова дводневно училиште дополнително зајакнато за следниот период на неизбежна нестабилност и пораст на класно-социјалното незадоволство.

Да живее Интернационалата, да живее револуцијата, да живее комунизмот!